म ठुला कुरा गर्न चाहन्न । मलाई न कुनै पार्टीको उम्मेदवार बनेर चुनावमा भोट् माग्नु छ न त नयाँ पार्टी खोलेर आश्वासनको पोको बाढ्नु छ । सिधा कुरा देश गम्भिर संकटमा छ । मान्नुस् नमान्नुस् भारतले नेपालको राजनीतिमा हस्तक्षेप गरेकै थियो अब चाडै नै तराई टुक्राएर भारतमा मिलाउने र नेपाललाई सके सम्म सिक्किम नत्र भुटान बनाउने षड्यन्त्रमा लागेको छ । रात दिन सिमामा नेपाली चेली बलात्कृत हुँदै छन । नाबालक जल्दा जल्दैको टहरोबाट रात बिरात भाग्नु परेको छ । दाजु भाई भारतीय सिमा प्रहरीको बुट र कुन्दाले पिटाइ खाएर पीडित छन । हाम्रो प्रशासन र नेताको बारेमा कुरा नगरौ । उता बलात्कार भएर चेली चिच्याउदै छिन्, यता प्रशासन इन्ची टेप लिएर नाप्ने योजना बनाउदै छ ।
तसर्थ अब पालो युवा को हो । धेरै लेख्यौ आफुले आँफैलाई बहादुर भनेर अब केही गर्ने कि ? यो ब्लगको उद्देश्य भारतका नागरिकको बिरोध गर्न होइन बरु भारतीय गिद्दे दृष्टि बिरुद्ध एक जुट पार्नु हो । अब बेला आएको छ हिमाल पहाड र तराइ बासी नेपाली एक जुट हुन र देश बचाउन । बिशेष गरी तराइ मधेश बासी सच्चा नेपाली ले सोच्नु पर्ने बेला आएको छ कि तपाईंहरु चाडै नै बिहारी बनेर बस्ने कि नेपाली रहने ? तपाईं का षड्यन्त्रकारी नेताहरु नेपाल टुक्राएर नेपाललाई भारतमा मिसाउदै छन । अब होसियार हुनु होला ।
मेरो देश नेपाल सधैं त्यस्तै नै रही रह्यो । बन्द हड्ताल र आन्दोलन बाहेक केही हुन छोड्यो देशमा । भाई भाई आपसमा लड्न थाले । मुलुक फेरी बाइसी र चौबिसी हुन लाग्यो । अझै पनि केही नगर्ने हो भने धेरै ढिल भईसक्ने छ । तसर्थ देशभक्तीमा समर्पण गर्नको लागि मैले यो ब्लगको निर्माण गरेको हुँ ।
सबै लाई स्वागत छ :
यस ब्लगमा देशभक्ती सम्बन्धी गीत रचना देखी बिकासका पुर्वाधारहरुको बारेमा लेखिएका रचनाहरु टास गर्नेछु । नेपाल र नेपालीको निम्ती तपाईंहरुले लेख्नु भएका देख्नु भएका लेख, सल्लाह सुझाव र प्रतिकृयाको समेतको हार्दिक स्वागत गर्दछु । धन्यवाद ।
No comments:
Post a Comment